bennyng1 發表於 2008-8-22 13:09:49

不晒自製証件相..(行家請進)

依家勁多人自製証件相,擺落1張4R到,當4R咁晒。
想用1蚊既價錢換取35蚊既野…
行家點睇,,會唔會幫客照晒???


我個人認為,應該係COUNTER面大大隻字寫明""本店不晒自製証件相""
希望各行家支持!!!!

DLBB 發表於 2008-8-22 13:51:17

咁咪益晒Fotomax?

bennyng1 發表於 2008-8-22 14:25:41

D幾蚊雞生意咪豪比佢囉!!!
我諗個個行家都做,損失仲更大!!
本身D一行D生意都愈來愈差..再咁搞遲早死。

ming1218 發表於 2008-8-22 14:28:42

我都係行家唷, 你好~ ^_^
你o既諗法我都有諗過,不過好難o既...而加晒相都係高消費的一種. 無奈我都要就下客人,快記可以配合o既, 我都盡可能去配合客人,但我會有10蚊最低消費.我會照出,佢排好晒,我都會跟下,如果佢cut少少上下位咪幫佢縮少少囉,但請佢自己cut番,要我cut我都會當半打晒相咁收費.

鍾意自己影自己執(護照相執相唔收客人自己負責), 攞個file晒都歡迎, 你可以先落黎問左大概點樣去就人物大細,晒相,我地可以去配合你. 都係果句,自排你要自己諗晒d尺寸裁位唔好要我地跟囉. 收你$1.4一張唔代表真係賺晒你.

而加最打擊我地o既係d6~8蚊一打証件相o既拍友, 區議員平價咁, 一直有行家肯接,我地d價一直都唔會高, 唉..供左成百萬買機,全年無休,日日聞藥水味.只做你幾蚊生意,有時d行家係要自我檢討,大家都無晒底線. 睇價黎做,太平做到求求其其唔跟下色, 做得好o既都被人鬧唔專業.好無耐.

最緊要係唔好做得咁低價,門口價$1.3~$1.5/張 的話會好d囉. keep番質量比客人, 客人稱心都會搵番你o既, 但單靠晒相唔得架喇,唔好比d代理氹只係賣佢地d品牌野, 真係要兼下賣下其他野啦...如果唔係好難維持.

o係我睇法上,如果客人係晒相又唔議價,咁我地先叫做有錢搵....

其實一直都想講, dchome哩個平台幾好, 可以比我地行家都有少少空間發言,多謝晒

[ 本帖最後由 ming1218 於 2008-8-22 02:34 PM 編輯 ]

菲林筒 發表於 2008-8-22 19:10:47

All self arranged ID photo, will be charged same as our ID photos...

bennyng1 發表於 2008-8-22 20:33:11

#4

你認為如果我地幫客CUT,佢會願意比半打相收費嗎??
如果客人鍾意自己影,自己執,係無問題的..
但出相方面,就不能當4R直出,只能以証件相收費看代
行家肯接D平價証件相..真是無辦法可以控制到..
行家自律啦...
不過這都是廢話!!!!當你無生意時,莫講話6蚊打,,4蚊都可能做呀!!!
一直以黎都希望富士同柯達行可帶頭做劃一最底收費每張一蚊
可惜,,最後都係痴人說夢話,行根本什麼都幫我地唔到!!!
只知道D貨要加價...

唉..我諗沖晒業已死了!!!:cry

bennyng1 發表於 2008-8-22 20:34:16

回覆 #4 ming1218 的帖子

你認為如果我地幫客CUT,佢會願意比半打相收費嗎??
如果客人鍾意自己影,自己執,係無問題的..
但出相方面,就不能當4R直出,只能以証件相收費看代
行家肯接D平價証件相..真是無辦法可以控制到..
行家自律啦...
不過這都是廢話!!!!當你無生意時,莫講話6蚊打,,4蚊都可能做呀!!!
一直以黎都希望富士同柯達行可帶頭做劃一最底收費每張一蚊
可惜,,最後都係痴人說夢話,行根本什麼都幫我地唔到!!!
只知道D貨要加價...

唉..我諗沖晒業已死了!!!

talkox 發表於 2008-8-22 21:14:14

唉..今日打風...又無左一日生意嗱...
你地講個d野...我又有諗過..
講真..真係好難...都唔知點講好...
總至就係...肯幫佢晒...同個客講有最低消費..
佢就會話錢唔係問題...
但當你同佢講最低消費十蚊...
佢又會話唔使晒咁多wor...
剩係想晒一兩張...話咁貴唔晒~
激氣!咁叻自己排自己整呀...自己晒埋呀嘛~

我支持唔幫客晒自製証件相...
真係...宜家菲林相又無人晒...
數碼相d人又唔晒得多...
影三四百張先晒十拎張...
仲要霸住部機勁耐...
証件相又少...
自製的就愈來愈多...

唉..d兩個月生意勁差...
就快頂唔住...

DLBB 發表於 2008-8-22 21:42:19

最近有2個幾年前既post浮番上黎, 而家仲係第一頁:

2002年 11月 post: 快圖美獨霸香港沖晒業http://www.dchome.net/viewthread.php?tid=7770&extra=page%3D1

2004年 9月 post: 快圖美Fotomax-內憂外患 http://www.dchome.net/viewthread.php?tid=122475&extra=page%3D1

小弟並非行內人, 衹係一個消費者, 但從觀察所得, 2002年6年後, 小弟附近果間快圖美生意如常, 但一共5間開左10年以上既個體户晒相鋪亦生意如常, 証明有得做, 執笠果D係汰弱留強而己

ming1218 發表於 2008-8-22 21:49:39

你認為如果我地幫客CUT,佢會願意比半打相收費嗎??


就係知客人不願,又愛排3R/4R , 所以我會咁定價. $10以經可以滿足佢掛,
同客人都可以客客氣氣, 我都係費事同客人嘈o者.佢再不滿咪唔做.無謂令自己唔開心.

我緊係支持唔收自排相啦.但無計. 快逃美做低沖晒o既價錢,你無辦法唔出方法拉番d客..
--------------------------------------------------------------------------------------------
一直以黎都希望富士同柯達行可帶頭做劃一最底收費每張一蚊
可惜,,最後都係痴人說夢話,行根本什麼都幫我地唔到!!!

係事實, 行都係幫唔到d乜, 佢地都係打份工,又唔係老闆,佢地做額之嘛.跟本唔知我地係幾咁水深火熱.
----------------------------------------------------------------------------------------------

從來行o既sales都唔係咁好,只懂硬sell 佢地d套餐, 幫行攞都係貪佢有保證.持久呀藥水好呀咁.如果唔係我一定轉左水紙水藥啦.我地係咁幫佢食, 佢比相部又唔多,相部果度我好谷氣架.. 一手紙至比100本, 客人話我孤寒40張至比.實情行o既宣傳係over 50架嘛...-_- 我都只係可以笑笑口話係呀唔好意思. 跟住又話谷做相部呀咁. 洗幾百蚊做一本相部而加d客覺得貴架啦, 一年都唔多過2本啦.. 都打定輸數.最緊要係唔好比d sales氹到...v_v

如果你真係生意額唔理想真係要諗諗轉行. 我都唔期望有得賺,哩行咁惡劣我都報左名進修,打算為轉行準備.哩行無得做架喇.....我o既同行朋友都係諗住捱埋今年年尾租約唔做...-_-

[ 本帖最後由 ming1218 於 2008-8-22 10:03 PM 編輯 ]

Who 發表於 2008-8-23 01:45:19

原帖由 dkwlau 於2008-8-22 09:42 PM發表         執笠果D係汰弱留強而己

:good:

[ 本帖最後由 Who 於 2008-8-23 01:46 AM 編輯 ]

ming1218 發表於 2008-8-23 02:13:22

如果可以一句" 汰弱留強 " o既睇法.咁簡單就好..

無左我地. 得番快記, 任佢起價你要出相點都要去晒.
就好似雜貨店同百佳惠康.到時得番百佳惠康,咪又係點都要幫佢買,可能買貴野...

總之解釋不完

Who 發表於 2008-8-23 17:40:19

以我喺澳洲晒相嘅經驗,(當然唔敢話晒成個澳洲一定係咁),啲鋪頭只會睇你晒相嘅總數目嚟定每張相價錢。譬如話,晒5張之內,每張要幾錢,晒6張至10張之內,每張又要幾錢,當然會平過晒5張之內啦!跟住,晒11張至20張之內,每張又會再平啲,如此類推.....。

邊有人咁得閒去理你晒乜相!我晒乜,關晒相鋪差事咩?唔高興又唔犯法的話咪唔做囉!

反而,大家集體定價,集體做乜又或者集體唔做乜,呢啲就叫壟斷。好似啲油工公司咁就死啦!

ming1218 發表於 2008-8-23 22:56:22

我一張相賺晒你都係幾亳子,唔係一碗麵賺你幾蚊,
你話我地壟斷前不如你都出番部沖晒機, 你就知我地討論d乜.

Who 發表於 2008-8-24 00:42:18

我一張相賺晒你都係幾亳子,唔係一碗麵賺你幾蚊,
你話我地壟斷前不如你都出番部沖晒機, 你就知我地討論d乜.

我無話你哋壟斷,只係話,集體定價,集體做乜又或者集體唔做乜嗰啲!

就算全世界真係唔做自製証件相又點?消費者好簡單,自己用Printer Print囉!

ming1218 發表於 2008-8-24 01:04:50

......:cool:

Frontier370 發表於 2008-8-24 10:02:03

原帖由 bennyng1 於 2008-8-22 08:33 PM 發表 http://www.dchome.net/images/common/back.gif
#4

你認為如果我地幫客CUT,佢會願意比半打相收費嗎??如果客人鍾意自己影,自己執,係無問題的..
但出相方面,就不能當4R直出,只能以証件相收費看代
行家肯接D平價証件相..真是無辦法可以控制到..
行家自律 ...

收錢cut相!d人同你死過tim啦!

以顧客心態cut兩野都亞之亞左!下次唔番黎晒tim呀!【雖然我都唔想service 你】

d人付出一蚊就要收番有五蚊既野!:L

而且有時d客將自家制証件溝埋大量4R入去一齊出相既!

根本無得避!:L

talkox 發表於 2008-8-24 18:24:29

原帖由 Who 於 2008-8-23 01:45 AM 發表 http://www.dchome.net/images/common/back.gif


:good:

"汰弱留強" 一見到真係火都黎埋...
唔係行內人又唔知行內苦況!!
十年前晒張4R相 $ 1.5 - $ 2 ...十年後既今日竟然可以平到四亳子張...
十年前租金都要二、三萬蚊...十年後既今日租金都加幾次....宜家要四、五萬蚊啦...有d仲唔止...完全反通脹....
如果做d行做多過十年既人應該好明白...
以前未有數碼...供台機要幾十萬...宜家轉晒數碼...供台機要過百萬...
仲未計其他電腦軟件、程式...
仲要買多一兩部機俾客選相呢...樣樣都要錢...幾時先回番本呀~:L
真係想賺你o個一蚊付出實在太多...
宜家咩都加價...我地o個行就迫住減價...

都係o個句..同行唔好鬥價...要鬥就鬥服務、鬥品質~

ming1218 發表於 2008-8-24 23:43:20

收錢cut相!d人同你死過tim啦! (叉佢頸:smile1 ...講笑o者~)
以顧客心態cut兩野都亞之亞左!下次唔番黎晒tim呀!(直頭開口話:唔係嘛,cut相都收錢?:smile1 ) 我都係笑笑就算 : 唔好意思,成本問題.

kage 發表於 2008-8-26 18:18:54

呢類相通常會去連鎖店
因為佢地服務好

唔會有說話聽
唔使擔心d相有事
頁: [1] 2
查看完整版本: 不晒自製証件相..(行家請進)