人生第一次買菲林機Minolta 7S

2cckeung · 發表於 2013-8-20 16:35:08

本帖最後由 hwk269 於 2014-4-11 12:48 PM 編輯

買左部機返o黎整左個幾月,第一次入菲林唔識要相舖幫我入菲林,頭幾張唔記得set光圈A,影呢三十八張相又用左成個月時間,用菲林影相感覺好神秘,
影左之後又唔知張相得唔得,影完回菲林卷四五下就回完,心諗有無出錯呢,我拉左三十八下過片桿,幾下就回完,打開菲林蓋都驚係斷左片,D相唔知得唔得。
其實我以經玩左二年幾數碼單反，而家買部旁軸菲林相機只係一時想起細個同屋企人周圍去影相，七十年代尾我老豆買左部旁軸相機，果時個個星期日同假期都會去烏溪沙，大清，淺水灣，游水同捉魚，仲有去過好多地方，年紀大好多地方去過都唔記得哂，果時去得最多就係烏溪沙，果時去烏溪沙又要坐火車又要搭船仔先去到，邊有而家咁方便搭馬鐵就去到，好懷念細個無休無濾嘅日，八十年代中興起全自動相機，果時我家姐同我老豆講「而家無人用呢啲咁老土相機影相，之後我老豆就買左部全自動相機，部旁軸相機就唔知掉去左邊喇。