P.5(S35.4+AF 105/2 DC)、
P.7(D3s&Df同場景高感比較。)、
P.12(配S35.4長曝夜景效果。)、
P.14、15(AF 60/2.8D微距效果。)、
P.18、19(Non Ai SC 50/1.4 Auto)、
P.21、22(SC Auto50/1.4)、
P.23(SC Auto 50/1.4外景實拍。)、
P.24(S Auto 55/1.2)、
P.29(S85.4+Ai 105/2.5)、
P.30(Ai-S105/2.5+S50.4)
P.32，S35.4+S-auto 55/1.2，過年啦。
P.37初試Ai-S 50/1.2
P.38，Ai-s 50/1.2回家了
P.39，AiS 50/1.2 逛街測試。
P,40，AFS 35/1.8G試射。
P.43，N28300VR+N35.8G坐飛機。
P.45，N35.8G高感相片。
P.49，N35.8G、Ai-S 50/1.2、S50/2.4人像照。
P.114，ISO5000相片。
P.120，Df定焦全家福，AFS20/1.8G試相。


今日賣晒D800E+D7100，換左部Df返來，黑色行貨Kit，20500HKD。
乜原因要換就唔講啦，只能夠講，各適其式，每個人要求都唔一樣。
先來講下打左300幾張既感受先啦。

1、操控並不如某些人所講咁難，盤面操作基本上延續自F3一代，係末睇過說明畫之下，馬上就能夠操作自如(可能因為我係由F3果個年代玩起既關系掛？)。

2、後面版基本上就係數碼年代既習慣，你當佢D600/D7100咁玩就得；整体上來講，末出現操控不自如既現像，依我所見，都係習慣問題者。

3、成像，高感唔係自誇，真係同D3s果代有得揮，初步感覺至少係同級，晚上大量使用ISO3200同D3s交叉拍攝同一場面，高感表現形式有少少唔一樣，Df係機身LCD睇，好似抹得無咁勁，細節多過D3s。(等有時間係電腦詳細對比先知係唔係咁樣)。

4、發色，明顯同D800一代唔一樣，如果講D3s係一個方向，D800係另一個方向，咁Df係慢慢向返原來D3s既方向走，但又唔一樣。

5、配合自製曲線相片調控，算係幾夾，比較乎合我預期——但係係同樣調控參數底下，同D3s仍然唔一樣，雖然形式唔同，但個人感覺會比D800E更乎合我個人要求。

6、對焦方面，已經唔錯，當然用D3s比係一定輸啦，係追焦方面，咬得無咁實，脫焦比D3s高頻率係一定既，但係可接受範圍內(預左架啦，心態唔一樣既，接受能力都唔一樣。)。

7、輕！
用慣大機既我(就算唔係一体成形都要加返個直倒果種)，簡直就係身輕如燕既感覺，乎合鳩攝流既特性(預左一定係用定焦架啦。現代變焦鏡就一定係頭重腳輕果種，唔夾！)。

8、基本上，所有制位設定都基本乎合個人既使用習慣，要上手並唔係想像中咁難。

9、乜得好處無難處乜？
壞處當然唔少，基本上好多人都講過，但呢個都係好個人問題，睇下用家偏向邊一邊，價格係偏貴(雖然已經比廠價跌左成4000銀！)——如果你當佢係當年D700既發展過程，心情會可能好少少。
愛一個人，就要接受佢既缺點，同時發掘佢既優點嘛。。

第一批相片，基本上乎合我既預期想像。(當然好與唔好，都要睇個人選擇！)
相剛剛先過完，先出一張用PT05-05相片調控既直出JPG先。
有時間再貼其他相片，尤其是直出JPG既人像相片，可能係大家既關心重點。
先聲明，由於大幅搞過相片調控，發色肯定已經唔係原來Df既發色，係好個人既喜好——我覺得，一部新相機好與唔好，完全係要睇個人使用習慣同見解，唔依照個人習慣影出來既相片，係人地既相片，對自己來講，最多就參考下。
用過方知好與壞，操過先知愛與惡。。

MERLINJ 發表於 2018-8-20 07:23 AM
以現在嘅勢， 將Df 轉成無反款式， 已經通殺！

個帶扣唔好似DF咁夾手指就好

我現在很少上來，Df仍然keep住用，只係沒有放相片上來。個人認為df是Nikon 近年造得最好的機種。希望Nikon不要放棄她，能夠在不久將推出第二代，再續神話。

nightgriffin 發表於 2018-8-4 03:23 PM
影運動

轉用傳說中既A9？

因為影運動而轉無反，理由都幾特別下。。

多謝大家支持，這標題不經不覺已經三年多了，54萬的點擊，161頁還在增加當中，謝謝！

然而，每次進來，也是一種痛苦——無法直接點進最後的回覆，然後各種拉啊拉的動作，好不容易才找到最新的回覆。。
也難為大家了。。

又睇下支AiS 50/1.2既擴耀光測試先。。
三十幾年前既設計，唔好對抗耀光有太大期望，不過呢支鏡一定程度上其實比好多D鏡既抗耀光要好得多。。
基本上如出現耀光，企側少少就馬上可以解決到。。

早期既鏡因為大多唔係類圓形既光圈葉設計，所以好容易影到星芒，不過，都要角度對先得，其實唔難影。。

呢幾張相，真係影到眼盲！
好彩我戴住全視線眼鏡，但一樣光到睇唔清楚個觀景器，好多時要靠感覺去估中唔中焦。。

其實黑色都覺好令仔(因佢有的啞啞地金屬色)
為何會平的 而銀色要貴成10% 想落 因玩到尼個機款的師兄弟(包括小弟)多數經暦過菲林機時代的中中(包括小弟)...這機款好有比我地中中見回青春歲月.回味無窮

Df
border=0 />

Df作為副機，優閒機，我覺得幾稱職架。
。
我呢個用法，係由RX100，一路開始發酵，到A仔、到RX1、到A7，啊，係你喇，Df！
主要考慮係重量、自由度、鏡頭運用配合既問題。。

初時用上手，表現比到我喜出望外既感覺，曾經一度以為佢係萬能俠！(當然無拍片啦。)
但係，再用落去，我知我期望有過份左啦。。
階級分野仍然非常明顯，慢工出細貨好好，但要講快拍(當然係配合自動對焦鏡頭啦)，其實佢唔會好得過D800E(廢話，一早應該知啦！)，更加比唔上D3/D4呢一級啦。。
即係，非極惡劣環境，仍然係表現非常理想，係太暗太黑既時間，就要慢慢撚，唔急得，主体動作太大(例如跳緊舞)又唔得。

作為旅遊機、閒機，Df非常稱職，係整体表現上(但唔包括畫質)係D7XXX系列既水準，論畫質，大家都知道係乜一回事啦。。
凡事不能強求，我自己對呢部機就非常滿意喇，滿意到我經常忘記左另一部機D3s既存在，因為D3s做到既，佢大部份做到！
但係，一講到速度，就非D3s/D4莫屬喇。

如果講到分野就係呢一道，咁Df個價，其實唔算太過份啦——當然，同隔離家部A7比，大家一定眼紅，始終，個價格就擺係道！
當然，對非Ai鏡既支援，以至於非Ai鏡比到我既畫面顏色同質感，係我對Df加分既一個重要因素來——有種重回菲林機時代果種感覺。。

nasper 發表於 2013-12-24 12:50 PM
我有3皮2就一早買左部銀豆腐做聖誕禮物啦...

依家心思思不如捱貴機做分期...

能做力之所及的事，不做成為負擔的事，世上從始感覺美好。。

小弟都泥趁下熱鬧！Df加50f1.2AIs

哈，講一樣我真係覺得係壞處既感受，就係個『測光模式』轉換，由於個制太細，尼阻又硬，成日都轉過龍，要好留心睇先知自己轉錯左。。

鐵兄，你好！

恭喜你購入好機，我有一問題想請教，希望你能夠幫忙，
我是 D700 用家，最近喜愛鳥攝和影下蝴蝶，其實 D700 也很稱職，但因像素關係，crop 相不太理想，想請教如升級會是 D800 或 DF 較合適？(我並沒有外觀情意結，合用就 OK。) 對焦是否 D800 較 DF 鎖得較緊？

麻煩晒你，thanks！

cshsimon 發表於 2013-12-15 03:27 AM
鐵兄，你好！

恭喜你購入好機，我有一問題想請教，希望你能夠幫忙，

對焦方面，效果(講成功率)一定係D800走唔甩！

但係同時D800亦比較蝦人用(可能係因為像素太高？)，你要有鐵手，要不是就要上腳架，個效果會非常之好。

另一個要考慮既因素係高感表現，從我有限既拍蝶/生態攝影經驗來講，除非好陽光(仲要係唔好傍晚晨早！)，否則好大機會用到ISO1600，咁問題又來喇，你如果接受到D800既噪點表現形式，當然好用啦，如否，咁可能DF會較為實用。

cshsimon 發表於 2013-12-15 03:27 AM
鐵兄，你好！

恭喜你購入好機，我有一問題想請教，希望你能夠幫忙，

或者你可以咁睇成件事，可能你要入一支好既微距鏡多過換一部新機。。

至少微距鏡比較唔受最短拍攝距離限制，一定程度上可以減少裁切再構圖既風險。。

你可以用長鏡加塊有質素既Close-up鏡又好(可以保住自動對焦性能)，加Extension tube又好(較便宜，但唔一定保得住自動對焦性能，玩反接又好，都算係一種解決方法來。。

當然，平平地，買支AF60/2.8D Macro 返來玩又得(今晚已買回來，未試鏡。)。。

以上建議，最平幾舊水，最貴都唔過3000銀。。

頂！比海關發現有非法入境者，佢輕輕咁拋低一句，唔好唔記得交稅喎。。

開心，係要有代價架。。


唯有從實招來！
佢問，咦，你先頭D機呢？
我答，賣晒啦，換左呢部垃圾返來。(想咋死減輕罪名！ )
佢話，咁啊？(頓左一頓，然後慢慢講。 )唔好唔記得交稅喎。
我答，知啦，過兩日過數比你。。

女人仔，唔好以為佢地也都唔知，心水清起上來，少條毛都走唔甩。。

多謝鐵兄意見，微距我已買左，但有時不能近攝，唯有 crop 相，但一 crop 就。。。。。

DF 像素多四百萬，crop 又好似冇乜優勢，D800e 像素又太大，冇石高手又要下下落腳，睇黎要認真度下先得。

anyway， 多謝你寶瑰意見

cshsimon 發表於 2013-12-15 04:16 AM
多謝鐵兄意見，微距我已買左，但有時不能近攝，唯有 crop 相，但一 crop 就。。。。。

DF 像素多四百萬， ...

唔使客氣，我都只係重複緊大路答案者，都幫唔到乜手。。

thanks

臨訓前，心思思整多張直出JPG，ISO3200+f8。。。

可能大家比較關心Df既人像發色，我唔怕丑，比人講兩句喇。。
PT05-05相片調控直出JPG，我自己就覺得比較接近我真人既膚色喇，大家認為呢？(哪，係我個Mon睇咋，第二只Mon可能又會唔同色！)

值得討論既係好多時候室內人像所謂白平衡不準既問題。
呢張相剛好係1/60秒快門，同當場使用既光管射頻係同步既，所以發色比較自然。。
更多時候，好多人一個不留意因為『測光問題』而導至快門過高，或過慢，結果連拍會出現幾張不同『白平衡表現』既相片。
月經問題囉。。

因為背景同照明問題，顯得好似唔夠立体感，唔好意思。。

你都好快手喎，話買就買。  

Wonderboy 發表於 2013-12-15 05:01 AM
你都好快手喎，話買就買。

器材黨第一規條，選擇要細心，決定行動就要快速。。

主要係價位已進入射程，反正係機換機，宜家唔買遲D賣機都會少左錢，條數/個差價始終係返道。
比預期要一點，多左500文收返。。

坐言起行 我等到皮六先 況且 3 蛇同 7100 都用得幾開心。

恭喜恭喜
交稅 1:1?

感谢铁兄详尽报告。