|
本帖最後由 rockyiu 於 2014-7-21 01:19 AM 編輯
呢期好多師兄/師姐都去左南嶺影蝶, 小弟趁少少時間都趁熱鬧去左南嶺一趟, 陰天多雨下只能薄有收穫.
三日行程, 唔計落雨/車程, 大概只有12粒鐘時間影蝶搵蝶, 大部份都係陰天, 有咁黑就有咁黑, 大概影左約廿幾種香港無0既蝶, 加埋香港蝶, 大概40幾種, 歸究原因, 應該係天氣唔夠炎熱所致.
如何前往:
坐高鐵, 由深圳至韶關(好似約兩小時, 來回三百幾人仔), 然後一小時車程(包車, 好似約人仔400來回), 在南嶺國家森林公園山腳落車.
住: 賓館($200一晚, 基本配套都齊, 尚算乾淨, 只係個mo廁, 要練下紮馬. 如果想住得舒適, 可以入住避暑山庄, 約$800, 最好提前book定)
食: 呢度食都偏貴, 大概每碟送 $50幾蚊人仔, 但只係大排檔級數, 無冷氣的
玩: 呢度係無娛樂, 無按腳, 無XX, 想舒服唔好揀呢度.
天氣: 南嶺七月天氣變化好大, 時晴時雨, 山腳可以好天, 上山又落番雨. 幸好勝在唔會連續落雨. 建議天氣非常酷熱0既晴天前往南嶺較佳, 因為可以影到好多吸水蝶. 否則葉頂蝶, 好難影同發現到. 落雨就當然唔會有蝶影.
裝扮: 普通行山裝, 記得帶雨傘.
蝶攝地點: 今次我地時間所限, 只係去左 橙屋 後面, 同埋上左國家森林公園的親水谷(要門票$80). 如果時間許可的話, 可以上埋小黃山或者瀑布. 我諗可以唔使導遊.
廢話講到咁多, 出下D高ISO爛相, 今次D相, 老實講, 好唔滿意......
今個trip, 最開心0既係影到金鳳蝶, 雖然呢隻0係大陸只係common蝶, 但0係香港就係迷一般的蝶. 有傳話要0係每年中秋前往元朗髻山喎, 都係吹水唔抹嘴, urban legend, 聽下就算.
紫彩濃灰蝶, 同香港果隻斜斑彩好似樣.
部份南嶺蝶都幾大隻, 我都專登影大隻D
箭環蝶
枯葉蝶, 影唔到佢開翼, 都真係幾可惜. 依家幾難0係香港見到枯葉, 最近可以去深圳仙湖植物園.
呢隻叫珀翠蛺蝶??? 小弟讀得書少, 南嶺蝶, 我驚認錯
今次見到好多爛蝶, 呢隻我好辛苦用PS幫佢補番D爛翼
藍灰蝶去年0係東涌神蹟般出現, 0係大陸就係普蝶. 呢隻又係超爛翼, 想補都有心無力
目標蝶, 波太玄灰蝶. 好唔好彩, 新鮮0既波太玄唔肯落低位
殘到爆炸0既就企定定俾你影.......
鉤型黃斑弄蝶0係南嶺到處都有. 當日影呢隻有個小技巧, 因為佢經常開翼呈戰鬥機形態
其中一個組員負責吹氣, 令到佢短暫合翼, 另外一個組員當然抓緊機會瘋狂連拍.
珍貴嫵灰蝶, 外表平平無奇, 但都係相當罕有.
以下呢四種弄蝶, 都係香港無0既蝴蝶
呢隻似係蛾
呢隻就肯定係蝶, 叫白弄蝶, 外表相當似蛾
蛾的品種遠遠多於蝴蝶, 其實亦都比蝴蝶來得華麗.
緯帶趾弄蝶0係呢度唔算罕有
紅眼仔 瑪弄蝶 俾我落閃狠狠地打爆左隻眼
九里遠蚜灰仔
外型相當獨特的蝶, 鬼佬會將佢歸類為蛺蝶亞科, 大陸則自成一科, 喙蝶科 (喙, 音"悔") 呢隻蝶曾經到訪香港, 不過應該係放蝶. 全世界只有10種, 中國佔3種.
差D俾呢隻野呃到. 睇外型同飛的形態, 極似香港非常常見的白帶黛眼蝶. 影完番黎睇書, 原來係玉帶黛眼蝶, 書中記載, 香港只曾在95年大帽山有個一次記載. 所以, 出外影蝶, 千奇唔好懶醒, 分分鐘錯過好野.
呢隻蝶, 又係俾佢整估. 一開頭以為香港有的忘憂, 細心睇, 咦, 係大二尾蛺蝶喎. 但番屋企再睇下書, 原來係二尾蛺蝶.
九里遠開翼版本
有D蝶的形態同香港真係好相似, 但原來又係另一種品種. 好似呢隻, 似百嬈非百嬈, 似瑪灰非瑪灰, 我諗應該係婀瑪灰蝶
又係一隻好易同普通品種混淆的蝴蝶, 呢隻係彌環蛺蝶, 而唔係普通0既金蟠蛺. 漁農署04年後開始有記載, 相信以前都有, 只係當時可能同金蟠蛺撈亂左.
比較少影到婓豹蛺囡, 蝴蝶男女比例約為8:2, 只有兩成係囡.
暮眼蝶
唔知咩蝶
紋環蝶(囡)
灰翅串珠環蝶
登登登登, 壓軸登場, 三尾灰, VVVVVVR級數.
呢隻真係可遇不可求, 淨係見過一次面, 葉頂又細隻, 180L盡crop都係無用. 唔講大家發現到嗎?
|
狗仔卡
發表於 2014-7-21 01:17:48
提升卡
沉默卡
喧囂卡
變色卡
千斤頂
顯身卡
發表於 2014-7-21 01:48:29
樓主
發表於 2014-7-21 16:10:57
