末講野之前，先要鬧下泥坑香港，點解當大陸同台灣都貼住個美金價來開價既時候，香港卻要開高3000大洋呢？
香港人好蝦D？

D810都出左一個月喇，等啊又等，就係要等個『合理』價——去年我賣D800E既時候，街價就係23000附近，再加上美金價，我覺得低過就會去買架啦。。
之前朋友已經講過，買機就搵佢間舖啦，於是昨晚拉住老婆去睇機，問價——個姐姐篤部計數機比我睇，嘩~~~~~~~~~~~
22300啊！
(同時間有人指住我部D810問價，Sales就報23800。。 )

梗係去馬啦！
但開箱之後，佢話篤錯數，係23000至真。。
頂~~~~~~~~~

無計啦，都係進入目標價(外邊最低都係呢個價咋。)。

試一部，嗯，最左邊一粒有少少走焦喎，於是第二部，OK啦。(人生第一次買機要試第二部。)
咁，就買左返歸啦。。


用左24小時，打左905張相，點都要講下感受既。。

第一個感受，亦係我之前最介意D800E既地方，就係青B面同處理多光源混合色溫既問題，哦，打左905張，舒服晒———係一張青B面都無！
由於我之前有幾個場景都出現呢個狀況，所以呢次新機到手，一定係先試呢樣野。

第二個感受係，係膚色處理上，似乎又向D3一代靠攏多一步。
唔知係唔係我錯覺，發覺VIVID有少少似D700果種感覺(但末試真。)。

第三個感受係，好多評測話個白平衡準左喎，我覺得係Bull shit！
自從科技朮發日新月異既今日，講白平衡準唔準其實係廢話！
更多既應該係話白平衡『偏向』討唔討好！
老實講，如果鐘意開D3一代發色既，宜家既白平衡其實係比較偏白既。。
有一樣野要留意既係，新一代泥坑機身，日頭同晚黑個白平衡偏向係好唔同既——日頭偏黃，晚上偏白！
所以，D810我就用左A同B拍攝選單去分別定義白平衡偏向——日頭AWB偏移B2M0.25，晚上就偏移A0.5M0.25。

想藍天更藍？
想膚色更加接近自己要求？
唔該，學下用K溫值啦。。

第四個感受係，個對焦群組又幾好用喎。
但係，要記住，對焦準唔準，仍然需要自身技朮既提升！
用得唔好，或者強『機』所難，反而晚上都有可能比日頭對焦得準架。(容後我會出例相說明。)

第五個感受係，由於Capture NX2唔再支援D810或以後機身，所以，我唯有收拾心情去學LR啦，為免初始影像開RAW時個效果相差太遠，我開始習慣去使用SD相片調控去影相。(雖然以前因為工作需要時，我都會用SD相片調控去影，以前唔知點解，宜家知啦——用自製相片調控去影工作相，實比個修圖師掘我山墳都似！ )

第六。。。
第七。。。

嗯，其他功能並未試到，因為我最關心既問題先解決左先。。
以後繼續更新。。

好啦，廢話講完，去片啦。。

testament 發表於 2014-7-28 12:24 PM
師兄調教出來D相偏紅，和真正華人膚色有差距！我反而欣賞之前那位手持大師D相，雖然膚色唔夠紅潤， ...

攝影是否需要真的如實報道呢?

第一個要講既係膚色先，好似好多人關心咁樣。。

呢三張圖係用SD相片調控影既。。

參數分別係——銳度6、清晰度1、對比-1、亮度0、飽和度-1、色相0。
機身直出JPG壓縮。

唔好問我點解要咁樣SET，亦唔好話我唔係原廠，個人習慣喜好，OK？
睇下大家接唔接受到呢個效果？
同一個位，我終於睇唔到青色色塊係面上啦。。







原廠PT相片調控，參數係銳度8，飽和度-1，其餘全部歸0。




同一個位置，分別用SD相片調控同VIVID相片調控拍攝，可見其差異地方。
SD參數如上，VIVID則係銳度6格、清晰度-1、對比-1、飽和-1，其餘歸0。
感覺VIVID咁用，有少少返去當年D700果種感覺。。

白平衡嗎？

晚上個白平衡偏白，有相睇架。。
將AWB設成偏移A0.5M0.25就正常返了。。

睇嚟兩位 Model 今次有得收返版權費

群組對焦有幾好用？

以下用左AF-C群組對焦，12連拍。
只係用左慢速4連拍，並末使用5張高速連拍。。
呢十二張相影完，完全唔覺得部機BUFFER唔夠，馬上再撳快門都無問題。。

有無一張覺得係脫焦既呢？

另外，我多次講過，D800E係西洋菜街果種『五光十色』之下，係無辦法處理好膚色既，但呢十張相，算唔算得上係膚色處理比較連貫？

OK 丫..

我遲D 買..

ISO6400可以點表現？

睇下相先。。

晚上的士車廂有幾暗，而我對焦係行車証個位又有幾大反差，大家應該有留意到，順便試埋佢個暗位對焦。。
感覺上，D800E、D600、Df同D810個反應分別唔大。。

想知個DR表現，影逆光相得唔得呢？

要注意既係，係下面呢種逆光情況下，其實係同陽光對著干無乜分別，所以無論邊一部相機個對焦性能大幅下降，都係好正常既，千祈唔好賴某牌子某型號既機身唔得！

如果想咁影，但又無辦法對到焦，咁將部相機左移右移去試下就可以了。。

HPE 發表於 2014-7-28 11:23 PM
睇嚟兩位 Model 今次有得收返版權費

頂住先，未有咁快有人像相睇住。。

ironridder 發表於 2014-7-28 11:25 PM
群組對焦有幾好用？

以下用左AF-C群組對焦，12連拍。

依隻膚色OK, 有點偏紅.. 方向似去番D700.  減番小小飽和好易執..

D810 可能同D700 一樣, 用左條DR 較窄的 curve, 以換取較討好的直出發色   

rol 發表於 2014-7-28 11:28 PM
OK 丫..

我遲D 買..

你話OK咁即係OK了。。

好似偏紅

前面提到個群組對焦幾好用，但用錯地方，白天反差高都可以走走地焦架。。

下面四張連拍，由於主角赤膊上身，無咁好對焦，放大來睇會走走地焦咁既感覺。雖然個場景光非常有利合焦效果！

jacky911 發表於 2014-7-28 11:42 PM
好似偏紅

Yes！

其實D3、D700、D3s都偏紅，只係偏得好睇咁解者。。

搵個SKIN, 偏白既MODEL

正光, 側光,  大背光試張睇下~

白天影D 金屬車太色睇下~

影下D 大紅, 大紫, 大藍, 大綠既相睇下~

呢幾張相，都係用群組AF-C，不過我更想大家留意下白天既膚色表現。。

ironridder 發表於 2014-7-28 11:39 PM
你話OK咁即係OK了。。

鐵兄, 可不可以幫我找一部, 左中右都無走焦既D810, 我找了很耐都找不到, Mr. Chan, thanks

晚上既街燈、室內黃光慳電膽、光管既效果。。。

toystar888 發表於 2014-7-28 11:46 PM
鐵兄, 可不可以幫我找一部, 左中右都無走焦既D810, 我找了很耐都找不到, 我的mobile number is  ...

唔好係道留電話。。

你呢個要求都幾難達到喎。。

人像膚色好似好得！