找回密碼
 註冊
Richard 發表於 2007-1-20 13:36:03 | 顯示全部樓層 |閱讀模式

2007年賀歲最重量級驚險爆笑喜劇《翻生侏羅館》(Night at the Museum)二十世紀霍士影片榮譽發行,現鐵定於2007215日(星期四)在香港盛大公映。荷里活頂級笑匠賓史迪拿飾演的「美國自然歷史博物館夜班看更,帶領觀眾闖進館內,窺伺每晚發生最不可思議的事情──埃及法老王、神鬼戰士、侏羅紀暴龍、復活島巨石、西部牛仔、印地安公主,甚至匈奴王通通翻生,同場較勁,將這所神祕館翻天覆地!《翻生侏羅館》以最炫目的視覺特技效果,加入奇幻冒險旅程元素,讓想像力十足的世界真實地呈現眼前。世界上再沒有比這所博物館更熱鬧、有趣!
《翻生侏羅館》的故事源自克羅地亞籍插畫家米蘭卓思的兒童故事書。他的兒童讀物被霍士電影公司購下版權,並決定由1492 Pictures製作公司3人組監製。該3位巨頭擅長以最先進的枓技及最優良的劇本拍喜劇,最佳例子是全球極賣座的《哈利波特》系列。
《翻生侏羅館》故事講述,待業中的雙失中年拉利(賓史迪拿飾)終於找到一份工作,就是進入「美國自然歷史博物館」當上夜班守衛。拉利本以為看守無人的博物館很是輕鬆,卻於首個晚上已發生了神奇怪事──身邊所有展覽品竟會瞬間復活!拉利整晚被暴龍化石震撼覓食,緊接著匈奴王軍隊、羅馬戰士,甚至山頂洞人、獅子、老虎都對他窮追不捨。拉利做夢也想不到,自己會身陷這樣糟糕的處境。事出突然,拉利唯一能信任的,就是前總統蠟像羅斯福(羅賓威廉斯飾)。在其協助下,拉利每晚都運用機智和膽色,應付這群難纏活標本,搶救幾乎解體的博物館──目的,又豈只保住飯碗咁簡單?




圖片附件: image001.jpg (2007-1-12 05:50 PM, 145.6 K)

Little-little 發表於 2007-1-25 16:06:31 | 顯示全部樓層
剛收到兩張戲票, 就無端端當左呢區管理員.... (汗)

睇完戲, 又係版面管理員, 做少少o野啦...

1. "翻生侏儸館", 呢個香港o既譯名... 好得意好吸引咩? 兩個字: 惡俗!
2. 第一次去JP 銅鑼灣睇戲. 呢次係 1 號院. 座位深度幾好, 對我呢o的長腿人來講: 舒適.
3. 以小型電影院來講, 個銀幕好大, 正.
4. 可惜放片機o既鏡頭soso... 畫面唔算好靚(定係套片dub得好差?). 但總算唔會出現IFC Palace 中某間戲院o既影像 - 下半個畫面 out-focus!
5. 電影係16:9, 唔係2.25:1果o既超闊銀幕. 我已經好少入電影院睇戲, 對上好多次都係睇超闊銀幕, 突然間睇16:9, 覺得個Image好大(高), 因為可以用盡電影院個銀幕.
6. 電影本身嘛, 特技片囉... computer graphic 係萬能o既, 至少製片人相信如是. 大部份電腦動畫都叫做稱職, 當然離Ring三部曲, Matrix差一大段距離. 製作成本有差別嘛.
7. 故事係講一個長期轉工o既失婚男子, 當上博物館夜更管理員, 係博物館內遇到o既奇怪事情. 電影內容好正面: 男主角找回自我, 終於學會認真工作, 得回兒子o既信任... (typical美式老套)
8. 電影中對話, 部份係美國歷史教科書中出現o既名人語錄. 對美國人來講應該會有趣o的... 但係香港, 冇中學及唔錯o既英語程度, 齋開開心心咁睇就覺得普通左o的. 故事計算ok, 一般電影語言/起承轉合有齊, 熱熱鬧鬧, 大團圓結局, 合家歡...
回復 支持 反對

使用道具 舉報

edlo 發表於 2007-1-25 16:07:28 | 顯示全部樓層
之前睇過trailer, 應該幾搞笑, will go :)

[ 本帖最後由 edlo 於 2007-2-16 05:36 PM 編輯 ]
回復 支持 反對

使用道具 舉報

您需要登錄後才可以回帖 登錄 | 註冊

本版積分規則

登錄 發佈 快速回復 返回頂部 返回列表