人情黎講當然係好慘, 幾百萬0既心血就咁無左, 但我好同意jay-1666 CHing講, 賠係人情, 唔賠係道理, 若果為左拿返錢, 用輿論壓力又生安百造咁屈d銀行職員誤導0既話, 就真係差勁.
我都識人買左雷曼, 但唔係d散戶買0既迷你債券, 而係真正0既債券, 投資左1000萬美金. 都無出過聲. 因為, 投資同賭錢無乜分別, 作為投資者, 應該時刻都知道即使放錢落活期都是有風險的, 更何況是債券? 有誰會想到擁有一百五十幾年歷史, 人稱擁有十九條命的貓的Lehman, 都會有倒閉的一天? 有誰會想過全球最大保險集團AIG都會出事? 知不知道大家最貼身的HSBC Corp.在福布斯的排名其實還要比AIG同GE低?
依家係非常時期, game rule就係咁樣玩, 知唔知AIG股價由年初的七十幾美金大跌九成五到依家0既三個幾美金? 8號仔由廿幾蚊跌到五合一之後都仲要得返今天0既兩個幾? 呢d咪同渣到無無乜分別? 有無人話要告李澤楷誤導, 要回水?? 賭場輸左錢之後叫人回水, 咁同無賴有乜分別? 呢d做投資風險, 銀行用巿價去買返資產已經係屈就0係政黨壓力之下的破例一舉.
連阿婆用2蚊0係街巿買棵菜都會check清楚先, 更何況係幾百萬0既投資? 自己唔去了解乜野係迷你債券, 就屈個sales無教你, 唔識你又唔問清楚, 唔真切了解左都敢落手玩, 一玩就玩幾百萬? 政府日日賣廣告話先求知再投資咁有乜意義? 在希望各苦主能用人情去拿回本金時, 都希望大家唔好0係無證無據的情怳下, 將個責任推哂俾個銀行小職員身上(政黨又枉用輿論壓力), 小職員一樣好無辜. 所有involve到的人, 都無人想件事會發展成咁的.  |