DCHome.net 數碼天地論壇

 找回密碼
 註冊
搜索
查看: 89669|回復: 79

草食男草蘆裝修日記

[複製鏈接]

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
發表於 2010-10-11 14:31:21 | 顯示全部樓層 |閱讀模式
o係 hkd 同 exd 兩邊係咁爬文, 爬呀爬, 爬左十幾間屋o既裝修過程, 令我由一個對裝修仕無認識o既大盲炳, 變成略知一點點o既小盲炳. 為多謝一眾師兄姊o既分享, 所以我都決定同大家分享一下我o既裝修過程先得.

屋仔有 23 年樓齡, 係由私人發展商興建o既居屋, 全屋應該一直無大執過, 地板係原裝六條成一平方尺o既柚木地板. 應該都係全炒重新黎過先可以長住..


目錄

P1 - #2, 平面圖 / 3D 圖
P1 - #3, 消委會 抽油煙機 測試報告
P1 - #4, 瓷磚
P1 - #5, 廚櫃
P1 - #6, 滔滔座廁
P1 - #7, 點分座廁高、低、自由、地咀
P1 - #8, 我對廚櫃檯面用無縫石、石英石o既睇法
P1 - #9, 木板厚度, 種類, 面料效果
P1 - #10, 床褥
P1 - #11, 我對木紋磚o既睇法
P1 - #12, 我對香港樓市和人口的睇法, 心智正常者勿入......
P1 - #13, 選擇抽油煙機篇 (II)
P1 - #14, 決定座廁, 洗水盤, 浴室龍頭
P1 - #15, 雪櫃篇 (I) 初步揀選
P1 - #16, 雪櫃篇 (II) 如何自製機電署雪櫃資料 spreadsheet
P1 - #17, 揀廚櫃鋅盤篇
P1 - #18, 強烈建議唔用無縫石、與版友 coriax 轟烈爆盤事件
P1 - #19, 瓷磚壓力測試 :意大利海殺磚 PK 大陸無名磚
P1 - #20, CT觸媒 VS 光觸媒
P2 - #21, 木板小評
P2 - #22, 裝修報價
P2 - #23, 香港主流木門小評
P2 - #24, 收 樓 啦!!!
P2 - #25, 煮食爐頭
P2 - #26, 裝修進度 (1) 拆拆拆
P2 - #27, Folding Plug
P2 - #28, 裝修進度 (2) 拆卸、清理泥頭後
P2 - #29, 裝修進度 (3) - 水電煤開坑工程 I
P2 - #30, 裝修進度 (4) - 水電煤開坑工程 II
P2 - #31, 裝修進度 (5) - 水電煤開坑、安裝工程 III
P2 - #32, 裝修進度 (6) - 泥水工程 I
P2 - #33, 木地板之篇
P3 - #47, 裝修進度 (7) - 泥水工程 II
P3 - #51, 裝修進度 (8) - 泥水工程 III
P3 - #53, 裝修進度 (8) - 泥水工程 IV
P3 - #59, 窗台防水膜 (資料由燒賣兄提供)
P4 - #71, 裝修進度 (10) - 木工工程 I
P4 - #72, 裝修進度 (10) - 木工工程 II
P4 - #75, 清潔習作 (1) - 試用洗石水


[ 本帖最後由 ladios_sopp 於 2011-1-3 04:57 PM 編輯 ]

評分

參與人數 9威望 +9 收起 理由
pkmak81503 + 1 精彩內容
呀醬 + 1 好多字... 勁...
Fungjai + 1 實際內容... 強~!
-麟仔- + 1 精彩內容
siuming@@ + 1 恭喜^^
brl + 1 精彩內容
小俊 + 1 圖片說故事
湯米 + 1 有心機
smf + 1 精彩內容

查看全部評分

懞懞查查渡歲月
戇戇居居過一年

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:33:08 | 顯示全部樓層
本帖最後由 Samuel.K 於 2013-11-16 11:21 AM 編輯

平面圖
floorplan_s.jpg


求其試畫o既 3D 圖, 實際立體圖要等收樓先有得度尺畫過
3D_v1.jpg

懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:34:31 | 顯示全部樓層
本帖最後由 Samuel.K 於 2013-11-16 11:22 AM 編輯

抽油煙機, 下面係消委會o既測試報告,
不過已經唔記得係邊位版友o既分享了

ps: 有版友報告話 p 記 713 洗風扇好麻煩同好嘈, 想買呢個 model o既版友要小心考慮一下了.
20101011_8b.jpg
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:35:11 | 顯示全部樓層
本帖最後由 Samuel.K 於 2013-11-16 11:24 AM 編輯

PS: 按細圖可睇到大相



去左家樂居、B&Q、家合居、五方睇過, 真係花多眼亂, 香港磚鋪款式根本無得比, 相比之下太少了; 價錢方面係家樂居平 (不過商場環境亦係最簡陋). 睇左咁多磚, 我傾向浴室用 "仿古磚", 即係啞面帶石紋、布紋之類, 暫定係淺米黃色牆磚、配深灰色地磚, 企缸中間同座廁會鋪一條垂直線o既花紋磚, 暫定係 "文化石" 磚 (但未搵岩).

IMG_0183.jpg
IMG_0187.jpg

廚房嘛, 原本諗好左用白色光面拋光牆磚配啞面深灰色地磚; 但大人見到個黑色光面廚櫃、用不銹鋼包邊, 就話要咁造廚櫃, 睇黎牆磚同地磚都要改, 而中間廚櫃果一幅牆, 就會改用銀色金屬面紙皮石去帶返起咁深色o既廚櫃.

磚鋪當中服務態度最好o既係 X強葉小姐, 佢唔會乜都話得話好, 有野唔得的話佢會講明, 例如有隻 300X300mm 磚想分割成幾塊做腳線, 佢會好老實話做唔到, 因為個表面花紋會切得唔整齊, 好難對花.

另一間係 東x 都可以, 有一系列o既磚仲令我地一見傾心, 但索價太高而作罷. 宏x 呢, 暫時未揀到心水款, 下次再配廚房磚的話睇真 d 先.
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:35:30 | 顯示全部樓層
本帖最後由 Samuel.K 於 2013-11-16 11:24 AM 編輯

PS: 按細圖可睇到大相

廚櫃

時間唔多, 只搵左兩間做初步報價. 有兩個廚櫃公司因為 esd 同 hkd 都有人踩過釘, 被我 blacklist 左, 只搵左一間由 《§小小§》 介紹o既, 同一間將軍澳有分店o既.

a 公司價錢平 d, 而且寫明用大芯板、石英石, 陳列品手工都唔錯, 店員亦會幫我地o既怪雞形狀廚房擺位俾意見, 又會好細心咁計返尺寸. 石英石比無縫石貴 RMB 100, 1.6cm 厚. 公司會安排上門度尺, 度尺費為二、三百蚊. (視地區而定)

PS: 如無特別要求, a 公司係會將檯面石直接安裝於地櫃上, 不會有底板承托, 但可以各店員要求加裝.

IMG_0215.jpg
IMG_0216.jpg


b 公司呢, 價錢愈來愈貴, 佢特色係價錢好公開, 寫明咩野要加錢, 乜野係包埋, 而且佢係唯一一間鋪頭知道今日香港放假, 其他o既鋪頭都係問 "平日好少咁多香港人上黎啊", 感覺上佢地會熟悉香港o既豆腐潤環境, 信心會高一點. 不過有兩樣野我唔係太滿意, 第一, 佢不斷 sell 無縫石, 我一開始已經講明報價用石英石, 但佢仍然係咁 sell 我無縫石, 價單又係用無縫石為主, 石英石要加 RMB 400/米 (1.5 cm 厚)... 第二, 我問佢係用夾板定大芯板, 佢話一樣... 我問佢點一樣法, 佢話大芯板即係夾板........ 唔係呀化!? 仲有o既係石英石陳列品手工比 a 公司差, 接縫稍為明顯; 但佢解釋廚櫃結構比 a 公司清楚. 同樣, 公司會安排上門度尺, 度尺費為二、三百蚊. (視地區而定)

PS: b 公司係會先安裝底板, 才將檯面石安裝於地櫃上.


****** 想知點解要加底板, 請看 P10 - #148, 我對廚櫃檯面用無縫石、石英石o既睇法 ******
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:36:12 | 顯示全部樓層
本帖最後由 Samuel.K 於 2013-11-16 11:24 AM 編輯

又 update 下 7.3 出灣仔睇滔滔o既報告先

經幾位版友勸告, 話 r 牌座廁唔係太好、易有污蹟o既問題後, 出左去灣仔睇睇滔滔座廁; 原先睇好左  r 牌座廁二千唔使就可以買到, 而一睇滔滔就不得了, 一般都三、四千.

睇中左一個自由咀 model
CW868PJ.jpg

連原裝油壓板, 唔包原裝風琴喉, 折左近三千; 我對油壓板無乜好感, 公司使用經驗係好易壞; 如果扑鎚買呢個 model 的話, 會叫 sales 減多 d, 俾普通原裝廁板我算了.

另外, 呢個係水箱、座廁一體成型 model, 比二件頭貴好多; 同如果預算有限的話, 到時會考慮兩件頭搭普通原裝廁板......

CW862PJ.jpg

仲有o既係, 滔滔平價型號係無旋風式去水的; 不過, 原先我買 r 牌都唔會有呢個設計, 都係忘記佢算啦................

仲有仲有~~~ 滔滔座廁比較長身, 至少有 28 寸, 而 r 牌由 26 寸起, 浴室唔大的話, 買滔滔前留度一度夠唔夠深, 唔係的話開門會頂到座廁就麻煩啦
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:36:52 | 顯示全部樓層
做下 copy cat, 轉載唔記得邊度抄低, 解釋座廁點分高、低、自由、地咀.

所謂 “咀” 是指座廁的去水位,座廁的去水位位置主要分為四類,當中包括:

(1)高咀– 指座廁的去水位的中位離地 180mm(即6吋)左右。現時市面上絕大多數的座廁的設計都是高咀的,由於接駁座廁的出水位是可以用一種名為〔風琴喉〕的東西,所以就算原有的去水位是低咀,都是可以用高咀座廁的。

(2)低咀–指座廁的去水位的中位離地100mm(即4吋)左右。比較舊式,大約是樓齡已有三十年的樓宇比較多低咀式設計。市面上低咀座廁的款式不多了!如果買了低咀座廁,去裝一個高去水的去水喉,排水是不好的,所以很少有會買低咀座廁去裝高去水位的大喉!

(3)自由咀–是座廁的出水位是向前縮入了,因此有足夠空間給師傅駁長去水喉去接駁大廈的大喉位,不論是高去水或低去水,這種座廁都是可以應用得到的。

(4)地去水–指大廈的大喉位置不是在牆身,而是在地下!地去水又分兩大類,分別是大廈大喉位的入口位置,離牆9吋,或11吋!
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:37:29 | 顯示全部樓層
先講講石英石o既分別, 我都係 google 返黎, 如果大家發現有錯, 歡迎指正啊.


石英石檯面是利用碎玻璃和石英砂製成,優點是耐磨不怕刮、耐熱、拼接無縫又耐用。

1) 防刮 – 我試過o係 B&Q 偷偷地用一蚊銀刮落石英石、無縫石檯面, 無縫石係會花同留痕,石英石一 D 事都無,按網上解釋,佢O既硬度有 7 左右(莫氏硬度),比一般鋼鐵硬度 5 為高。

2) 防污 – 緻密無孔的複合材料,表面對酸鹼有良好的抗腐蝕能力,日常使用的液體不會滲透其內部。唔似無縫石、尤其是淺色無縫石好易食色。

3) 防燃 – 其熔點高達1300度以上,不會因接觸高溫而燃燒,係膠造無縫石無可比擬的。

4, 耐砍劈能力 - 有無縫石用家提過,老人家同家傭都係無縫石殺手,因為佢地慣左斬野,輕則刀下留痕,重則劈爆檯面。對於前者留刀痕我唔覺得出奇,銀仔都刮得花,刀劈呢隻用力兼受力點高度集中的話,有刀痕絕對正常!相反石英石由碎玻璃和石英砂造,留痕應該好難,當然呢個假設係建立於石英石無偷工減料啦~~~
而劈爆檯面的話,有可能係無縫石偷工減料,又或者廚櫃偷工減料,底下承托力不足所致;用麻石檯面要起鋼根水泥支架,石英石、無縫石亦一樣要有底盤頂住先鋪上去,地櫃撐得唔好,就好易劈爆檯面啦......


當然,無縫石係有優點勝過石英石啦,因為無縫石係膠造,花左都可以用幼砂紙作輕量打磨修補;而石英石太硬,家用打磨方法係搞唔掂的。換句話說,呢個 "優點" 係將無縫石本身缺點,以另一個角度去 present.....
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:37:45 | 顯示全部樓層
本帖最後由 Samuel.K 於 2013-11-16 11:25 AM 編輯

木板厚度
3分夾板 - 9mm
4分夾板 - 12mm
5分夾板 - 15mm
6分夾板 - 18mm
7分夾板 - 21mm
8分夾板 - 24mm


木板種類

1, 大芯夾板:一般裝修及傢俱用,上下兩塊薄木片夾著內芯的實木條,用於貼防火板、木皮飾面。想偷工減料的話,木芯會用質素差o既木條、幼身木條。
ap_20090210125001803_jpg.jpg

2, 夾板:由多層木皮重疊壓成,用於貼防火板、木皮飾面。亦因為夾板係真木,夾口會有坑紋唔平滑,所以無乜公司會用夾板做焗漆。
ap_20090210124954218_jpg.jpg

3, MDF (E1 / 中、高密度纖維板):將木頭打碎成漿狀加膠水壓成,一般用於噴油烤漆、PVC吸塑或貼木紋紙。(潮濕地方如廚房及廁所不太合用)

ap_20090210124941796_jpg.jpg

4, 刨花板 / 蔗渣板:將木頭打碎加膠水壓成,用於貼防火板、木皮飾面。(潮濕地方如廚房及廁所不太合用)
ap_20090210124947815_jpg.jpg


木板面料效果

1, 實木仿古效果
1_G.jpg

2, 木皮飾面索色3分光油漆
2_G.jpg

3, 木皮飾面手掃漆油漆
3_G.jpg
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:38:23 | 顯示全部樓層
1, KK 牌 - 完全唔o岩 feel, 最軟果一隻我都感得太硬, 有一種盤骨、脊骨被推歪o既感覺; 朋友係高度推呢隻牌子, 但好可能係體重差別令我接受唔黎.

2, SL 牌 - 好多萬鬆 D o既都唔岩, 偏硬, 而且好重身, 換床單會死人的, model 都無抄低就閃人

3, Si 牌 - 日本版偏硬, 唔鐘意; 美國版 BR 唔錯, 價錢九千幾. 獨立彈簧係幾好, 另一半反訓都唔影響到對方, 不過感覺側臥會比較 "頂" 盤骨同膊頭, 除非無更好選擇, 否則只會當係後備之選

4, Sea 牌 - 呢隻似樣啦, 雖然佢唔係獨立彈簧, 但唔算好影響另一半, 而且最重要係軟得黎唔 "頂" 盤骨同膊頭. 試過好多隻 model, 岩心水o既有三隻!!! 竟然有三隻!!!
第一志願係 royal orchid, 因為頂層有乳膠, 係成個 brand 最軟果一隻, 軟得黎有承托之餘, 係有一種被包住o既感覺, 正! 訓上去無耐已經有覺得眼皮好重, 有想訓覺o既衝動!!! 但價錢實在太太太貴, 唯有同自己講未食藥, 幻覺黎o既  幻覺黎o既 ~~~
第二志願應該係 Sea 牌最好賣o既 hotel deluxe, 點好法唔使講, 試過o既都知, 價錢嘛...... 咳咳~~~
第三志願係 hotel deluxe 平價版 Tiffany, 結構、彈簧都一樣, 分別只差於面層少左兩寸厚o既棉墊, 會少左被包圍o既感覺, 但軟硬度不變, 而且價錢係 hotel deluxe o既五~六成左右 (搞錯, 果兩寸棉墊要成六千銀!!!?), 兼夾呢............... 識人攞貨, 唔使 8000 就有四尺半啊, 平六千幾銀!! 六千銀可以買到好多野啦~~~

再見啦, hotel deluxe :cry
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 14:40:41 | 顯示全部樓層
我之前爬左好多文研究木紋磚, 聽到o既意見有

1, 大陸造長方形木紋磚的最好買 2尺以下, 長過呢過 size 唔好買, 因為好彎, 舖頭係揀過先放件樣板出來

2, 鋪法最好係 1/3 工字法派磚; 1/2 工字法有可能因為磚太彎而唔平、刮腳

3, 大陸木紋磚得幾個模, d 木紋 pattern 好快就重複, 用佢鋪廳鋪走廊的話會好覺眼, 唔係太美觀
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 15:08:38 | 顯示全部樓層
網上睇到一篇有關香港樓市o既學術文章, 我覺得幾有趣, post 上黎同大家分享

學者胡文龍在他一篇文章 《「自置居所」的政治》 歸納了5點:

1. 引導置業者擁有物業,令他們在強調資本主義的系統中有了既得利益,獲取利潤,而擁護系統和擁護市場經濟和既有安排。

2. 卡斯圖(Castells, 1975)提出,在生產關係中作為無產者的共通性(homogeneity),會因房屋關係的分化而被抵銷.工人階級因嘗到「甜頭」而接受自置居所,但是卻是因為資本主義,形成工人階級分化。

3. 鼓勵人們把生活放在住宅內,忽略了社區的問題、政治參與或社會整體問題。作為不公的補償劑,淡化了低下階層和中產階級投人社會改革的動機。

4. 對於因自置物業而需供樓的人,為了每月確保供款,他們會花更多的時間在經濟活動上,同時他們又會害怕社會變動,政治取向顯得保守,借貸償還(mortgage)成為一種有效的社會控制。

5. 隨者更多自置居所來自私人發展商,有關房屋的爭論少了一個作為集中爭取的目標,缺少了「政府」這個鬥爭對象。

自置物業有某種背後的政府效果,雖然政府沒有可能承認這是他們的出發點, 不可否認自置物業的主流意識在某程度上帶來了一定的管治優勢。回歸後為穩定民心,政府推出一系列的自置物業策略,的確不難相信有政治動機。


睇完成篇文章, 最深刻就係呢五點!

細心諗下, 現今香港家庭月入中位數係 18,000 左右; 而根據統計署數字, 全港大約有 40~45% 人口, 居住於政府物業 (宿舍、公屋、居屋、夾屋). 換句話說, 假如你月入比中位數高, 你可以考慮私人市場當中, 位於最低階o既樓宇 (即係偏遠、面積細 and/or 樓齡高), 一係就考慮政府物業當中最上級o既樓宇.

由於統計署已數據當中, 顯示月入 10K~20K 人口變化減少、而 10K 以下人口增加, 反之 30K 以上人口變化增多; 月入 10K 到 30K O既裂縫, 正正係大前研一所提出O既 M 型社結構. 加上政府繼續保持高地價政策下, 新建樓宇無論地點如何, 建築商都只有以 偽豪宅 方式包裝先能夠引人買新樓. 亦因為咁樣, 市區重建局都唔會有所謂 "上車盤" o既新樓供應, 因為新樓就算尺碼細, 但尺價高, 一般市民係買唔起o既. 再講, 平賣又會有人指責市區重建局 "賤賣珍貴土地資源"......

係咁的話, 作為小市民, 特別係下一代、再下一次應該點好呢?

呢個局面, 係可見o既未來都唔能夠改變o既現象, 除非香港出現一次大洗牌改變整個經濟結構, 不過到時候大家就會.............

諗下諗下, 唔生小笨友都係好事黎, 無仔囡送終就無啦, 骨灰唔使搵地方撼啦, 當做肥料種樹就好了.


噴口水完畢, 有錯歡迎大力打, 不過唔好打頭呀 :$
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 15:09:29 | 顯示全部樓層
抽油煙機 (II)

上回提到原先心儀o既 p 記 713 未出發 (錢), 先打沉, 有已經入手o既版友提醒, 呢部機缺點係嘈同難清洗.
我唔死心上去 傻光 p記陳列室試機, 現場所企o既位置, 頭頂係中央冷氣出風口, 呼呼冷風,
background noise 已經有咁上下, 一開機後 713 o既嘈音係會比中央冷氣出風口更明顯,
加上佢扇業唔係傳統風扇型果種, 而係渦輪 (想像水車打平放), 呢種設計風力係強, 但真係好難洗.
所以我同 CEO 都一致放棄.

再睇消委會報告, 第二位X雅典太貴, 佢旗下接近 713 o既係 GH-268, 但無延遲關機, 出局!
第四位 餵魚佬 883, 有延遲關機、左右獨立開關、自動清洗, 但缺點係好厚身下, 因為功能上 ok, 暫時饒佢一命;
第五位 西人寺 21853, 有自動清洗但又係無延遲關機, 出局!
第六位 逸立 688, 有自動清洗、延遲關機, 但竟然無左右獨立開關, 大哥, 環保 d 啦, 而且港島電費貴呀.

以功能計, 暫時係餵魚佬 883 最好, 搵日出制睇實物先

PS: 賣魚佬 883 有白色、銀色揀, 價錢一樣, 但白色有易潔塗層, 要襯色定要易打理, 自己揀啦
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 15:14:51 | 顯示全部樓層
本帖最後由 Samuel.K 於 2013-11-16 11:26 AM 編輯

今日買左幾樣野 : 座廁, 洗手盤, 浴室龍頭
又因為洗手盤只此一家o既關係,
去左虎紋大人介紹o既灣仔某店自行放血

1, 座廁
選擇過程峰迴路轉, 由 r 牌轉成滔滔, 過程如下

a) 868 - 一體式、直沖式, 外型靚仔, 但唔好坐, 有跌落去o既感覺, 出局
b) 821 - 兩件頭、旋風式, 弧形水箱好靚仔, 廁板高度唔岩心水, 而且貴, 又出局
c) 945 - 兩件頭、直沖式、CeFiONtect, 因為座廁本身有個"下巴"凸左出黎, 增加整體長度, 唔適用於窩居斗廁, 無奈出局......
d) 981 - 兩件頭、直沖式、CeFiONtect, 上年十月出o既新 model, 新到香港官方網站都無.... 佢無 945 太長身o既問題, 而且最重要係價錢係四者中最平, 兩千有找, 係你啦

註: 有 CeFiONtect 技術o既滔滔座廁, 並唔係坊間普遍所講o既咁削, 唔可以用廁所刷打理; 一般膠造廁所刷都用得, 亦唔會損壞 CeFiONtect, 因為呢個納米防污技術, 唔係 coating 黎, 而係連陶泥一齊燒成. 但要注意o既係唔好用腐蝕性清潔劑, 如鏹水等清潔座廁. 按店員所講, 其實有 CeFiONtect 的話, 已經好少黐黏住表面, 所以唔使用咁強力o既腐蝕性清潔劑啦, 為環保出一分力吧.

謎之聲 : 傻仔, 邊係 common mistake o者, 得你自己一個錯之嘛 titter.gif

ToTo_CW981.jpg

2, 巴啦域士達洗手盤
無咩好講, 虎兄一出手就中毒, 非佢莫屬, 價錢嘛........... 咳咳 sweat.gif

20100629_lavatory1.jpg
20100629_lavatory2.jpg

3, 浴室龍頭
再一次曲折離奇, 由原先 c 牌 >>> r 牌 >>> g 牌, 以為非 g 牌莫屬, 點知俾店員哄兩下, 又減多 d 又乜乜物, 臨門一腳改成 h 牌; 集中哂一間買, 以換取更多折扣. Focus E2 + Crometta 85 multi, $21xx, 全部德國製造!

(噓~~~~ 同磚貴的千尺長野兄用同一 set 龍頭, 沾染了一點點貴氣, 實在令人感動啊)

Hansgrohe_Focus_E2_1.jpg

Hansgrohe_Focus_E2_2.jpg

Hansgrohe_Crometta_85_Multi.jpg

o下!? 你問我廚房水龍頭呢!? 答案係未決定到, h 牌o既好貴啊  


虎兄介紹o既鋪頭果然好野! 一來本身住港島, 呢間鋪o係灣仔已經非常好, 二來店員專業而友善, 會主動俾好多意見, 亦唔會一味 hard sell 貴野, 貴平都一樣落力介紹; 最重要係主動減價, 最後大數又主動再減, 我好推薦港島朋友去呢間鋪頭睇睇.

懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 15:20:16 | 顯示全部樓層
今日全日繼續廚房三大電器 study, 抽油煙機已有定案, 雪櫃嘛? 琴晚同搶野兄研究左一輪, 終於整好左一個 full list,
係市面上有得賣、而又送過去機電署做測試o既 model, 全部倒入 excel, 修正左當中o既 error 後,
加入了 auto filter 以方便揀選合適 model

20100807_fedf8da6b93baf24ad35bKrI08p2oUcm.jpg

方便到暈, 尤其是當中好多資料係大多官方網站都絕口不提o既耗電量、冷藏能力等, 好有參考價值.
一睇之下就真係不得了, 首位係 西人寺, 慳電又夠凍, 不過價錢就............. 咳!!!
第二位嘛, 係名牌 M 記, 唔使問又係貴到 high high~~~ 第三位係三叔, 不過我一向唔傾向用人蔘國o既野,
非必要都唔想用佢, OUT!!!

左揀右揀, 留低O既有 : 三羊、三零、逸立、東豬

細心睇下, 就會發現平時 sales 真係吹水吹到無朋友, 好多 model, 都有強化玻璃 (貴 d) 或金屬層架 (平 d) 選擇,
sales 成日話金屬層架好, 通風 d 溫度會平均 d, 冷凍能力都會好 d, 但呢個 report 證實左根本係放屁!!!
因為結果係完全相反.

一陣拎個 report 俾 CEO 過目先, 再作決定.


下一站係爐頭, 呢個係我最唔識比較o既野, 好頭痛呢 :faint
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 15:21:29 | 顯示全部樓層
本帖最後由 Samuel.K 於 2013-11-16 11:27 AM 編輯

20101011_ada43abb52ed8e30e6cdiJyTf6NiARvj.jpg


見版友有興趣機電署雪櫃網頁轉成 EXCEL spreadsheet,
重覆 send pm 好易, 但 email 會 send 死人的
放上 rapidshare 又因為少人 download 好快被殺
我不如教辛苦一次, 教識大家整, 好過以後 send 死我一個人.

PS:
1, 由於機電署會不斷更新, 大家整好而又未買的話, 買之前最好再上去睇睇有冇新資料
2, 明白左個方法, 就可以照樣將機電署其他電器測試報告攞落黎玩





以下方法係長野兄發明, 我只係將個方法加多少少解釋同加入 auto filter 功能\r


1. copy 成個機電署雪櫃網頁 (http://www.emsd.gov.hk/emsd/chi/pee/eels_hra_eot.shtml)

2. 返去 EXCEL, right click > paste special > values

3. 得出 3個column (A, B, C) 共八千幾行資料

4. 將 D1 = C2, E1=C3, 如此類推, 作用係將第一個型號既 column 轉換成單一 data row

20100810_13446f54fb41db015f14n1RgAiSP8jsN.jpg

5. highlight D1 至 R19, COPY

6, 點一下 D20, PASTE

7, 如此類推, 一行變兩行, 兩行變四行, 四行變八行... 好快就將四百幾個 model 轉成 data row

6. copy all, 去 spreadsheet, right click > paste special > values

7. delete column A, B, C

8, sort, 作用係將空白排除

9, 於 row 1 加入 auto filter, 方便挑選合適大細、條件o既雪櫃

懶人專用區
多謝星爺 (starlet) 幫忙, 將 spreadsheet 放上 google 公開讓大家下載, 如果大家唔想自己做的話, 可以去下面o既 link 下載到自己電腦成為 spreadsheet, 再加入 auto filter 就可以用了. 在此特別感謝星爺.

https://spreadsheets.google.com/ ... mp;authkey=CIqy-8AO


點揀雪櫃
揀雪櫃, 唔係睇能源標籤咁簡單, 否則閣下可以唔使咁麻煩整 spreadsheet. 要多留意冷凍能力同耗電量先有意義, 特別係冷凍能力係絕大部份牌子都唔願意公開o既數字, 正正係呢個 spreadsheet 精彩之處啊.

另外, 呢個 spreadsheet 亦踢爆 sales 老吹亂講. 事關有部份型號, 有 "強化玻璃" 或 "金屬網" 層架可供選擇, 前者貴而後者平. 好多 sales 都會話其實金屬網層架會好 d, 因為有窿, 冷氣循環好過唔疏氣o既強化玻璃層架. 但呢個報告, 顯示兩冷凍能力同層架物料無關係, 甚至唔少係同 model o既 "強化玻璃" 比 "金屬網" 擁有更高冷凍能力! 證明凍唔凍, 係睇送風系統為主, 同層架無關. sales BS 硬銷賣唔去死貨之作!!! (諗深一屠, 到時放哂野入雪櫃, 金屬網層架仲有幾多疏氣窿呀........)

仲有啊, 就係大家打算買 200L 左右、或者更細o既雪櫃, 而又打算o係雪櫃頂放野、尤其是放微波爐的話, 就要小心揀啦. 因為唔係隻隻細雪櫃頂, 都預你放野上去, 更加唔一定可以放爐之類熱野上去, 睇清楚雪櫃頂有冇標明 "承重" 或 "耐熱" 幾多先好扑鎚俾錢呀.

my choice
高度 150cm 以下, 要求冷藏能力夠好的話, 選擇唔多...

有兩個牌子冷藏能力超堅, "東門子" 同 "Mielx", 有 10~15kg/24 hours, 但價錢都係超癲.....
退一步, 就係冷藏能力有 5.xkg/24 hours, 但係呢隻牌子叫三叔, 我對人蔘國o既野有非常唔好o既經驗, 又 fault~~

下一批就係 3.x ~ 4.0 o既一般日本雪櫃. P 記因冷藏能力太弱, 唔入流, fault!!!
山羊冷藏能力 ok, 但貴, 而且用塑膠層架, 出局,
山玲冷藏能力 ok, 價錢 ok, 但太深 (666mm), 又出局,
黎到呢一步, 只死淨 hitachx 同 toshibx, 係冷藏能力 ok, 價錢 ok,size 又 ok,
而且呢兩隻牌子, 寫明雪櫃頂可以抵受 100 度熱力,
即係放 microwave 都無問題!!! well done!!!
不過 toshibx 有多層冷凍吹風, 冷藏能力好之餘亦會比單一出風口均衡,
就係佢啦, GR-R20HGF, 183 L; 又或者 GR-R20HGF, 223 L. 兩者都係 595mm 深
但外表計最真係最笨..........


評分

參與人數 1威望 +1 收起 理由
金千果生 + 1 感動

查看全部評分

懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 15:23:13 | 顯示全部樓層
揀廚櫃鋅盤篇

係, 大家無睇錯, 呢一次真係專門討論廚櫃鋅盤. 不過, 如果你打算
買 F 或者 N  牌之類貴野, 其實下面呢篇野對你幫助不大.

初初我都以為呢個係一件好簡單o既事, 要麼豪一次貴野, 包無死錯人; 一係 cheap 到盡買個幾百銀o既就可以, size 岩就得啦. 咁我呢 d cheap 精, 當然係想使幾百銀就算啦, 但愈 google 得多就發覺想 cheap 到盡都唔係容易o既事, 一個唔小心會好易瀨o野的.

1, 用料 - 不銹鋼
不銹鋼有分好多等級的, 201, 202, 302, 304, 316, 317, 444 等. 2xx 級數不會考慮, 而一般係用 304 不銹鋼造鋅盤, 316、444 等耐腐蝕能力比 304 好好多, 但價格太高, 一般只會將 444 應用於儲存熱水之類o既容器. 但點都好, 問題係睇返原材料價格, 304 比 201/202 貴 50% 以上, 一個兩尺乘以一尺o既盤, 8mm 厚, 只計不銹鋼成本都要 RMB 300 以上, 仲未計人工、水電、利潤...... 可以話, 呢個尺碼平過 $300 o既都唔會係 304 不銹鋼.

果然, 想平都係唔容易的!


2, 如何分辦不同等級不銹鋼

方法
係有, 但大家做唔到的, 因為係要靠用硫酸銅、硫酸或硝酸作腐蝕測試先知. 我想無鋪頭會陪你癲吧......
有人會話磁石測試都得, 但高級不銹鋼係可以係弱磁性, 亦可以係強磁性的, 即係呢個方法無用的!

(記得以前大學, 自己偷偷地做 "黃水", 扔任何金屬、不銹鋼落去都會溶解....... 小朋友大朋友都唔好學 )


3, 厚度
一般 304 不銹鋼盤係 1mm 厚, 0.8mm 比較少見, 有你都唔會買. 比較高級的, 特別係方型底o既盤, 因為轉角工藝技術問題會係 1.2mm 厚; 再高級的會用 1.5mm 厚不銹鋼, 但價錢...


4, 類型
分檯面盤 VS 檯底盤, 單盤 VS 雙盤 VS 多盤.
傳統圓角底最笨拙的, 但係一體成型; 方型靚仔, 但係焊接的.


5, 靜音功能\r
第一次見我忍唔住笑左出黎, 靜音!? 講笑乍嘛??? 原來平價盤, 就係一個盤; 但貴價o既會o係底部貼上海棉墊之類吸音物料, 減少水滴打落鋅盤時o既聲音, 更細心o既公司, 會連盤四邊外側都貼吸音墊.


6, 表面
主要係 "拉絲面" 同 "珍珠面", 拉絲面係指一條條好幼o既平衡細坑紋, 令不銹鋼表面唔好發晒光成塊鏡咁老土 (除非不銹鋼表面水平如鏡, 唔做拉絲啞面會似鏡非鏡, 凹凹凸凸好老土好cheap...)
***** 謝謝虎紋兄提供拉絲面描述 *****

係咁, 大家會問我決定買咩?? 答案係仲搵梗...... 雖然有好幾個勉強 OK 的, 但仍想搵一個 size 更 fit o既, 繼續 taobao 中.
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 15:25:35 | 顯示全部樓層
本帖最後由 Samuel.K 於 2013-11-16 11:27 AM 編輯

有關無縫石檯面及鋅盤

見好多人問無縫石, 我就再講多少少吧.

無縫石, 講到尾都係膠黎, 咪俾個 "石" 字呃左! 佢根本唔係石, 係膠, 硬度好低, 只要用銀仔加少少力刮佢, 就會留低刮痕. 咁豆腐o既材料, 當然係唔可以俾人斬雞劈骨啦, 咁做法, 一定會令檯面留低凹痕; 其實有凹痕已經好俾面啦, 偷工減料o既廚櫃, 劈爆檯面我都唔覺好出奇. 所以屋企有老人家、家傭的話, 更加唔用得無縫石, 佢地慣左斬野劈野, 到時候......

因為佢係膠, 硬度低唔耐刮都算, 唔受得熱又係一個問題, 岩岩煲好o既野直接放落檯面會辣 "火農" 檯面的; 食色又係一個問題, 豉油唔使講, 遇著劣質紅色背心袋濕水的話, 放上去十幾廿分鐘, 就可以令檯面有個紅色o既 "烘". 唔夠硬, 小心 d 用o羅; 唔耐熱, 放隔熱墊啦; 食色呀, 又小心 d 用啦? 咁油脂呢? 膠好吸油大家都知, 膠造o既無縫石遇上油就幾麻煩, 大家可以自行想像.

檯面用無縫石, 小心 d 用都仲好, 無縫石鋅盤係打死都唔可以揀o既野, 鋅盤一定成日遇到油脂, 你可以想像清洗滿佈油脂o既膠碟, 係幾咁痛苦嘛?
而且鋅盤碰撞機會比較多, 唔小心跌舊重野落無縫石鋅盤, 撞爆左就........... 大家不銹鋼鋅盤, 都會專登買個厚料架啦, 無縫石盤有幾厚, 就只有信廚櫃公司了. 你以為我吹水, 批評到無縫石一無事處, 點解仲咁多人用? 因為靚嘛. 唔信, 大家自己睇下呢個 post

無逢星盤爛左一勿.................. --- http://www.discuss.com.hk/viewthread.php?tid=12853239

借用 hompex 版友o既相, 俾大家睇下無縫石可以死得幾咁轟烈!

20100814_a6380b9c7b3460140e42NEEiqMSBhRIn.jpg

20100814_b6a2890ba0e7f17d4256QsfOEWDC07G1.jpg


上面o既例子, 係號稱無縫石之皇 coriax, 一樣落得爆盤下場. 你或者會話係個別事件, 但係呢, 我想問下大家, 你見過不銹鋼盤咁死法未??

以下係其他版友回報o既無縫石使用經驗, 覺得我一個人吹水的話, 不妨睇下其他版友點講.

1, YAN91441

原帖由 YAN91441 於 2010-8-14 17:54 發表

我支持你架,我上手係用無縫石盤.....積左D油,成個黃晒,仲裂晒好似旱災土地咁......我依家雖然CHEAP CHEAP地都係用返個不秀鋼既算了~




2, 《§小小§》
原帖由 《§小小§》 於 2010-8-15 01:04 發表

我家姐以前個廚房都係用無縫石盆,佢都唔係成日煮野食,但唔夠半年,個盆就食晒色,有d黑黑地,黃黃綠綠一撻撻,好似發毛咁,好嘔心呀,不過有人教佢用藍 x寶直接噴落去抹,咁又真係洗甩左好多,但要保持唔"發毛"就要每次洗碗碟之後都要用藍x寶大抹一次先得喎,真係麻煩到死呀



未造廚櫃的話, 個人真係唔建議大家用無縫石.
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 15:26:29 | 顯示全部樓層
本帖最後由 Samuel.K 於 2013-11-16 11:29 AM 編輯

瓷磚壓力測試 :意大利海殺磚 PK 大陸無名磚

PS: 按細圖可睇到大相

前言
先睇外表, 左方為意大利磚紋理明顯而多變化, 凹凸感強烈, 身價約 $60/尺; 右方為大陸磚, 紋理相較下無咁明顯, 凹凸感不強, 身價約 $14/尺

DSC_9140_appearance.jpg



測試前先量度厚度吧, 意大利磚厚 11.5mm 左右, 大陸磚 10.5mm 左右 (由於拍攝角度問題而有差別). 另外, 由切面當中可以睇到兩者切口都相當齊整.

DSC_9139_thickness.jpg



測試一: 磚底水滴滲透程度
滴一滴清水到磚底, 等候五分鐘後抹乾, 觀察滲透程度. 意大利磚明顯勝出, 一滴落就形成完整水滴, 並維持到尾, 抹乾後亦唔易睇到滲透痕跡. 大陸磚就差得多啦, 一滴落就散開, 抹乾後有明顯滲透痕跡.

DSC_9143_water_back.jpg



測試二: 磚面水滴滲透程度
滴一滴清水到磚面, 等候五分鐘後抹乾, 觀察滲透程度. 兩方相差甚微, 大家都係一滴落就形成完整水滴, 並維持到尾, 抹乾後亦唔易睇到滲透痕跡.

DSC_9146_water_front.jpg



測試三: 磚面 marker 滲透程度
以 permanent marker 於磚面畫上三條線, 並於一、五、十分鐘後抹走, 觀察食色程度

一分鐘 - 由於三條線距離太近, 無法全方位抹走筆痕 (心苗真笨.....)
五分鐘 - 兩塊磚能夠抹走兩條線
十分鐘 - 兩塊磚能夠抹走所有測試線

DSC_9150_marker.jpg




測試四: 磚面豉油滲透程度
滴下老抽豉油於磚面, 並於一、五、十分鐘後抹走, 觀察食色程度

一分鐘 - 豉油被完全清除
五分鐘 - 豉油被完全清除
十分鐘 - 豉油被完全清除

DSC_9156_soybeansauce.jpg



測試五: 以一圓硬幣由 70 cm 高處 free fall 到磚面十次
兩塊磚面無表面傷痕, 以撞擊聲音計, 意大利磚較清脆、高音, 大陸磚窗沉.
由於磚面無變化, 無相片提供



測試六: 以鐵尺角位刮磚面十次
相片上方為意大利磚, 有輕微黑色刮痕, 但轉頭再睇已經唔覺.
下方大陸磚有較明顯黑色刮痕, 轉頭再睇, 細心觀察仍可以搵到刮痕.

DSC_9161_scratch.jpg



結論 : 實際性能差別, 以及外表上O既差異, 值唔值四倍價錢差距, 請大家自行以相片判斷.


- - - - - - - - - 我 是 分 隔 線 - - - - - - - - -

本測試拍攝明明係 m mode, daylight WB - 6000k, 於窗邊拍攝, 過程約一小時;
但曝光、WB 變化程度之大, 實在愧對一堆攝影器材. 唔知係咪同隔離O既 LCD TV 有影響.......
(女夭~~~~ 想搵借口就出聲啦, 多多事實!!!)
懞懞查查渡歲月
戇戇居居過一年
回復 支持 反對

使用道具 舉報

265

主題

1萬

帖子

3萬

積分

資深會員

只知kuso的小平民

Rank: 6Rank: 6Rank: 6Rank: 6Rank: 6Rank: 6

積分
34284
 樓主| 發表於 2010-10-11 15:27:14 | 顯示全部樓層
本帖最後由 Samuel.K 於 2013-11-16 11:30 AM 編輯

奉虎大人之命, 不材只好拿拿臨執筆寫出 CT觸媒同光觸媒o既研究啦. 怕睇字o既人唔該自行跳去最後一行, 因為中間o既文字並唔係為懶人而設的.

CT觸媒同光觸媒, 其實兩者都係標榜分解有機揮發氣體 (VOC - Volatile Organic Compound) o既 塗層, 能夠有效分解甲醛 (Formaldehyde)、苯 (Benzene)、四氯乙烯 (Tetrachloroethylene)、三氯甲烷/哥羅芳 (Chloroform) 等刺激性或致癌物質. 新裝修後, 木製品、油漆、所有使用黏合劑或溶劑等, 都含有不同劑量o既 VOC. 舉例, 大家常用o既中密度纖維板, 就係由膠水同植物纖維壓制; VOC 會不斷由切割面滲出, 慢慢釋放, 小則維持幾年, 多則十年以上.

或者大家會話 : 我用原木就唔使怕 VOC 啦, 係咪!?

很可惜, 原木並唔係就咁鋸一條出黎就用得, 除左要蒸/焗除虫同減少有機物質外, 仲要上保護油、有時候要上 lacquer 做光面、又可能要做索色, 除左第一個工序係同 VOC 無關之外, 其餘o既或多或少都有 VOC…

又有人話, 放植物可以幫手減少VOC 啦. 無錯, 部份植物如蘆薈係出名吸收甲醛; 只係要幾多先? 有不知名報告計算過, 想借植物有效吸收甲醛, 密度同將屋企轉造農場無乜分別...... 一兩盤植物就想吸哂客飯廳? 咁睡房呢? 晚間植物因為無用而停止吸收二氧化碳, 只進行消氧氣、釋放二氧化碳o既新陳代謝, 因此睡房唔適合放植物, 即係衣櫃有 VOC 就搞唔擔啦…… 再者, 植物對衣櫃之類封閉空間係無用的, 一打開一陣刺鼻 VOC 味已經夠啦, 衫都索左少少先難頂嘛. 而且 VOC 係可以經呼吸管道同皮膚吸收, 大定閉氣都無用啊.

咁竹炭呢? 都係同植物有同一個問題, 就係密度! 而且竹炭唔似植物, 要不時放到太陽底下曝曬, 釋放已吸收之氣體; 因此, 用竹炭似乎唔係練學懶o既上乘功夫.

觸媒, catalyst, 係一 d 能促進某種化學反應發生o既物質. 民用光觸媒 (或稱二氧化鈦) 應該係由冷氣機、空氣清新機開始, 標榜以光觸媒造出強力氧化功能的游籬子 (通常係臭氧), 當這些游籬子附在空氣中的細菌、VOC上, 就會加速其氧化, 達到殺菌、分解VOC效果. 但要留意, 如果冷氣機、空氣清新機的光觸媒濾網旁無加裝紫外線燈的話, 係無用的! 因為光觸媒一定需要與紫外線接觸, 才會產生游籬子.

光觸媒經過初代應用後, 開始版使用到其他地方之上, 例如大廈外牆、玻璃窗、蚊燈之類地方; 而光觸媒亦由初代改良成二、三……代, 令光觸媒對室內光有更好反應同工作效率. 問題係, 光觸媒依然係需要依靠紫外線同水氣先能夠發揮作用! 換言之, 打開櫃桶噴光觸媒呢個動作, 根本只係一個大笑話!!!

後來日本有人以過度性金屬發明左另一種物質, 能夠o係自然温度、無光線下運作, 同時唔會產生強力氧化功能的游籬子 (臭氧)o既缺點, 因為此等游籬子亦係令細胞老化o既原因之一. 亦因為佢係以交換電子作為基礎, 因此命名為 Charge Transfer – CT.

氧化還原反應 (過程)
酸性 : COOH + O2 (+ e) → CO2 + H2O
鹼性 : OH- + H+ → 2H2O (+ e)


20100831_ce3953a139ecfeab6b3dhn5b6GfOq8gb.jpg


當然, 無論使用光觸媒於外牆, 定係使用CT觸媒, 最重要問題係賣家俾咩級數o既觸媒你? 分子愈細, 接觸面愈多, 工作效率自然更高, 但價錢自然愈貴!  問題唔係太多服務商願意主動提供呢一項資料!! CT觸媒仲好少少, 比較多服務商願意提供資料, 但光觸媒就唔多, 我只見過兩間光觸媒服務商有提及. 至於耐洗滌又係一個謎, 亦係好少服務商肯講o既地方!!!

另外一個問題, 就係溶液顏色, 就我所知兩種觸媒都唔係純正透明o既液體, 經噴霧處理後, 會有下跌一級左右曝光度, 即係表面有少少變灰 (其實係變暗). 大家揀油漆同燈飾前應該要考慮呢一點.

綜合黎講, 我會揀全天候運作o既CT觸媒, 但唔好問我有咩公司好, 因為到目前為止我樓都未收, 裝修都未開始……

PS:
1, 有版友提出疑問, 擔心溫度會唔會影響到觸媒o既作用, 個人亂估兼非學術性猜測
- CT catalyst 係以電子轉移形式促進氧化作用, 溫度愈高, 粒子內在能量愈高, turnover rate 亦會更快
- 兩種 catalyst 都有應用於大廈外牆、街上行人路環保地磚, 斷估點都熱過室內, 所以工作溫度應該唔需要太擔心的
懞懞查查渡歲月
戇戇居居過一年
回復 支持 反對

使用道具 舉報

您需要登錄後才可以回帖 登錄 | 註冊

本版積分規則

手機版|Archiver|DCHome

GMT+8, 2020-7-12 03:02 PM , Processed in 0.231953 second(s), 17 queries , Gzip On, MemCache On.

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表